• ON AIRलोकदोहोरी गितहरु
  • UP NEXTशुमधुर भजनहरु

खाँडादेवि गाउँपालिकाले थामी समुदायका बालबालिकाहरुको सम्पूर्ण पढाई खर्च व्यहोर्ने ।।

रामेछापको खाँडादेवी गाउँपालिकाले थामी समुदायका सम्पूर्ण बालबालिकाहरुको पढाई खर्च व्यहोर्ने भएको छ । हालसम्म समुदायबाट एकजनाले पनि एसइई उत्तीर्ण नगरेका सो समुदायका बालबालिकाको सम्पूर्ण पढाई खर्च गाउँपालिकाले व्यहोर्न लागेको खाँडादेवी गाउँपालिकाका अध्यक्ष प्रेमबहादुर तामाङले बताउनुभयो। नेपालकै अति सिमान्तकृत र विपन्न थामी समुदायका बालबालिकाहरुले अब पढ्नको लागि कुनै खर्च गर्नु नपर्ने भएको छ । गाउँपालिका भित्र अध्ययन गर्ने सम्पूर्ण ६६ जना थामी समुदायका बालबालिकालाई गाउँपालिकाले पहिलो चरणको विद्यालय सामाग्री वितरण गरेको छ । विद्यार्थीहरुलाई स्कुल झोला, विद्यालय पोशाक, जुत्ता मोजा, कपि कलम लगायतका सामग्रिहरु प्रदान गरिएको हो । उनीहरुलाई पहिलो चरणमा यी सामाग्रीहरु वितरण गरिएको भए पनि आवश्यकताअनुसार थप सामान नियमित प्रदान गरिने गाउँपालिकाका अध्यक्ष प्रेम तामाङले बताउनुभयो । उनीहरुले पढेसम्म पढ्न लाग्ने सबै खर्च गाउँपालिकाले व्यहोर्ने अध्यक्ष तामाङले जानकारी दिनुभयो । यो सहयोग प्राथमिक तहदेखि उच्च शिक्षा अध्ययन गर्नेसम्मलाई हुने पनि उहाँले बताउनुभयो । गाउँपालिकाले नीति नै बनाएर उनीहरुलाई नियमित सहयोग गर्ने व्यवस्था मिलाएको उहाँले जानकारी दिनुभयो । उहाँले खाँडादेवी गाउँपालिकाभरि माध्यमिक तहसम्मको शिक्षा एकै खालको हुने पनि बताउनुभयो । यस वर्ष एक कक्षाबाट सुरु भएको अंग्रेजी माध्यमको पढाई अब क्रमशः १० कक्षासम्म पुग्ने उहाँले जानकारी दिनुभयो । रामेछाप जिल्लामा खाँडादेवीसँगै दोरम्बा गाउँपालिकामा पनि थामी समुदायको बसोबास छ । खाँडादेवी गाउँपालिकाको वडा नं ७ खाँडादेवीमा थामी समुदायको बसोबास छ । त्यस्तै दोरम्बा गाउँपालिकाको डडुवा र दोरम्बामा थामी समुदायको बसोबास छ ।

प्रतिकृया दिनुहोस

विद्यालयको छाना हावा  हुरीले उडायो पठन पाठनमा समस्या ।। 

रामेछाप जिल्लाको दुर्गम भेग रामेछाप नगरपालिका वडा नम्बर ४ हिमगंगा बोलङ बोलङमा रहेको श्री महारुद्र माध्यमिक विद्यालयको भवनको छाना हावाहुरीले

आज सरस्वतीपुजा रामेछापका सरस्वती मन्दिरमा पूजा आराधना गर्ने श्रद्धालुको भीड ।। 

विद्याकी अधिष्ठात्री देवी सरस्वतीको पूजा आराधना गरी आज रामेछापमा  श्रीपञ्चमी पर्व मनाइँदै छ । प्रत्येक वर्ष माघ शुक्ल पञ्चमीका दिन यो पर्व मनाउने

शिक्षाको विकास बिना समृद्ध नेपाल असम्भब – मन्त्री पोखरेल 

शिक्षा बिज्ञान तथा प्रबिधि मन्त्री गिरिराज मणि पोखरेलले शिक्षाको बिकास बिना समृद्ध नेपाल सम्भावना नहुने बताउनुभएको छ। उहाँले भवन राम्रा र ठुला