• ON AIRबिभिन्न लोक गितहरु
  • UP NEXTलोक कोशेली

विश्वकप फुटबलमा फ्रान्स दोस्रो पटक विश्व च्याम्पियन बन्न सफल ।। 


क्रोएसियालाई फाइनलमा ४–२ ले पराजित गर्दै फ्रान्सले बिश्वकप फुटबल २०१८ को उपाधी जितेको छ । यसअघी सन् १९९८ को बिश्वकप उपाधी जितेको फ्रान्स दोस्रो पटक बिश्व च्याम्पियन बनेको हो । रुसको राजधानी मस्कोस्थित लुझ्निकी रंगशालामा भएको खेलमा फ्रान्सले आत्मघाती गोलमार्फत अग्रता लियो । एन्टोनियो ग्रिजमनको फ्रिकिक क्लियर गर्ने क्रममा क्रोएसियाका मारियो मान्जुकिचले आत्मघाती गोल गर्न पुगे । एक गोलले पछि परेको अवस्थामा क्रोएसियाका इभाँ पेरिसिचले गोल गर्दै खेल बराबरी गरे तर ग्रिजमनले पेनाल्टीमार्फत गोल गर्दै पहिलो हाफमा फ्रान्सलाई २–१ को अग्रता दिलाए । दोस्रो हाफमा फ्रान्सकालागी केलियन एमबाप्पे र पाउल पोग्बाले लगातार दुई गोल गर्दै टोलीलाई ४–१ को अग्रता दिलाए । खेलमा त्यसपछि फ्रान्सका गोल रक्षक लोरिसको गल्तिमा मारियो मान्जुकिचले गोल गर्दै क्रोएसियालाई खेलमा फर्काउने प्रयास गरेका थिए तर बाँकी समयमा कुनै गोल हुन नसकेपछि पहिलो पटक फाईनल खेलेको क्रोएसिया दोस्रो स्थानमा चित्त बुझाउन बाध्य बन्यो । सेमिफाईनलमा बेल्जियमलाई हराउँदै फ्रान्स तथा इंग्लण्डलाई पाखा लगाउँदै क्रोएसिया फाईनलमा आइपुगेका थिए । तेस्रो पटक फाईनल खेल्दा दोस्रो पटक च्याम्पीयन बनेको फ्रान्सले १९९८ मा आफ्नै देशमा भएको विश्वकपको उपाधि जितेको थियो । यस्तै, सन् २००६ मा जर्मनीमा भएको विश्वकपको फाईनलमा फ्रान्स ईटालीसँग पराजित भएको थियो । उता क्रोएसिया स्न १९९८ को विश्वकपमा पहिलो पटक सहभागिता जनाउँदा तेस्रो भएको थियो । क्रोएसियाले फाईनलसम्म आईपुग्दा सबै ६ खेल जितेको थियो भने फ्रान्सले ५ खेल जित्दै समुहको एक खेलमा बराबरी गरेको थियो ।
 

प्रतिकृया दिनुहोस

रामेछाप जिल्ला स्तरीय पुरुष भलिबल प्रतियोगिता आजदेखि सुरु ।।  

रामेछाप जिल्लाको सदरमुकाम मन्थलीमा आजदेखि जिल्ला स्तरीय पुरुष भलिबल प्रतियोगिता सुरु भएको छ  । नेपाल लोकतान्त्रीक खेलकुद संघ रामेछापको आयोजनामा

रामेछापमा जिल्ला स्तरी खुल्ला भलिवल प्रतियोगीता हुदै ।। 

रामेछापमा दोेश्रो वीर गणेशमान सिंह स्मृति रामेछाप जिल्ला स्तरी खुल्ला भलिवल प्रतियोगीता तथा खेलाडी सम्मान कार्यक्रम हुने भएको छ । यही मंसिर २५

रामेछाप खाँडादेविमा वडाअध्यक्ष कप भलिबल प्रतियोगिता हुँदै ।। 

रामेछाप जिल्लाको खाँडादेवि गाउँपालिका वडा नम्बर ७ थान्सिङमा खाँडादेवि युवा क्लबको आयोजनामा खुल्ला वडा अध्यक्ष कप भलिबल प्रतियोगिता हुने भएको छ ।