• ON AIRदेउराली
  • UP NEXTमुख्य समाचार

महिला समानताका लागि पुरुषको सहभागीता बढ्दै ।।  


सिन्धुपाल्चोकको ठूलोसिरुवारीका नमुना बराल खाना पकाउनुहुन्छ । श्रीमान नेत्र तरकारी काट्नुहुन्छ । एकजना भाँडा माझ्दा अर्को सरसफाईमा व्यस्त देखिनुहुन्छ । घर बाहिरको काम पनि त्यसैगरि भागबण्डा हुन्छ । श्रीमानको सहयोग नमूनाका लागि अधिकार प्राप्त भएको दिनको खुसीयाली झै लाग्छ । नेत्रचाहिँ महिला पुरुषबीचको सहकार्यका रुपमा लिनुहुन्छ । घरभित्र होस् या बाहिर महिला पुरुषबीचको सहकार्य बढ्न थालेको छ । विहेपछि पनि बुहारीको पढाईको चिन्ता, जग्गा जमिनको स्वामित्वमा महिलाको अग्रता, बराबरी ज्याला, राजनीतिक सहभागितामा महत्वपूर्ण पदमा नै समान सहभागिताको ग्यारेन्टी गर्नु महिलामैत्री व्यवहार र व्यवस्थाका उदाहरण हुन् । अधिकारकर्मी तथा पत्रकार कपिल काफ्ले महिलाको पक्षबाट पुरुष नै उभिने सँस्कृति नै विकास हुन थालेको दावी गर्नुहुन्छ ।  संविधान अनुसार कुनै पनि पुरुषले महिलालाई कुनै पनि प्रकारको भेदभाव गर्न पाउँदैनन् ।  अधिवक्ता सरोज गिरीका अनुसार संविधानमा व्यवस्था भएको मौलिक हकको हनन् भए अदालतमा निवेदन दिन सक्ने व्यवस्था छ । व्यवस्था, नीति नियमले महिला र पुरुषलाई समान मानेको छ । छोरीलाई पनि छोरा जस्तै अंशको व्यवस्था गरेको छ । नीति अनुसार व्यवहारमा पनि परिवर्तन देखिदैछ । लैङगीक समानताका लागि एक व्यक्तिले कार्यतालिकामा ल्याउनुपर्ने सानातिना परिवर्तनले पारिवारिक, सामाजिक र राष्ट्रिय हिसाबमै ठूलो योगदान गर्ने उदाहरणहरुले पुष्टि गरेका छन् । महिलाले भोगिरहेको समस्याका लागि कहीं न कहीं पुरुषको भूमिका छ । लैङगिक समानताको प्रश्न महिलासँग जोडिन्छ । महिलालाई त्यसको जिम्मेवारी दिइन्छ । तर इतिहासको त्यस अध्यायलाई सच्याउन महिला समानताका लागि पुरुष सहभागिता बढ्न थालेको छ ।
 

प्रतिकृया दिनुहोस

राष्टिय सम्पदा सुचिमा सुचिकृत केवलेश्वर मन्दिर ओझेलमा ।।

रामेछाप जिल्लाको ऐतिहासिक धार्मिक स्थल केवलेश्वर मन्दिर संरक्षणको अभावमा ओझेलमा परेको छ । रामेछाप जिल्लाको धार्मिक स्थलको रुपमा परिचित धेरै वर्ष

रेबिजको महामारीको आशंका गर्दै जिल्ला स्वास्थ्य कार्यालयमा सहयोगको याचना 

आफ्नै घरमा पालेको कुकुरका कारण महामारी फैलन सक्ने आशंका गर्दै रामेछाप नगरपालिका वडा नं ७ का उद्धब कुमार श्रेष्ठले जिल्ला जनस्वास्थ कार्यालय

रामेछापको ठोसेमा दाउराले हानेर भाइले गरे दाइको हत्या । 

घरायसी झैझगडामा दाउराले हानेर भाइले दाइको हत्या गरेका छन् ।  जिल्लाको उत्तरी क्षेत्रमा पर्ने गोकुलगंगा गाउँपालिका वडा नम्बर –२, ठोसेको भित्तरी