एमाले र माओवादी पार्टी एकता आज, संयोजन समितिको बैठक बस्दै ।।


नेकपा एमाले र नेकपा माओवादी केन्द्रबीच आज एकता हुने भएको छ । दुई दलका अध्यक्षसहित आज एकता संयोजन समितिले एकता प्रक्रियामा सहमति गरेपछि बेलुका एकता घोषणा गरिनेछ । बेलुका ५ बजे संयुक्त पत्रकार सम्मेलन गरि एकताको घोषणा गरिनेछ । माओवादी केन्द्रका नेता जनार्दन शर्माले आज बिहानदेखि संयुक्त कार्यक्रममा सहभागि हुने र बेलुका संयुक्त पत्रकार सम्मेलन गरेर एकताको घोषणा गरिने  जानकारी गराउनुभयो । एकताको विषयमा दुईजना अध्यक्षले गर्नुभएको सहमतिलाई दुई दलको बैठकले अनुमोदन गरिसकेको छ । आज  बिहान १० बजे एकता संयोजन समितिको बैठक बसेर पार्टी एकताको निर्णय अनुमोदन गरिने शर्मालेजानकारी दिनुभयो । निर्वाचन आयोगमा दल दर्ताका लागि आजै निवेदन दिइनेछ । एकीकृत पार्टीको नाम नेपाल कम्युनिस्ट पार्टी रहने सहमति भएको छ । चुनाव चिन्ह सूर्य नै राखिएको छ ।एकता संयोजन समितिले पार्टीको विधान तथा राजनीतिक प्रतिवेदन तयार गर्न एमालेका नेता माधवकुमार नेपाल र माओवादी केन्द्रका नेता रामबहादुर थापाको संयोजकत्वमा गठन भएको दुई कार्यदलले चैत २० गते प्रधानमन्त्री एवं एमाले अध्यक्ष ओली र अध्यक्ष प्रचण्डलाई प्रतिवेदन बुझाएको थियो । नयाँ पार्टीमा ४४१ सदस्यीय केन्द्रीय कमिटी र ४३ सदस्यीय स्थायी कमिटी रहनेछ । ४४१ मध्ये २४१ एमालेबाट र दुई सय जना केन्द्रका तर्फबाट रहने मोटामोटी सहमति बनेको छ । त्यस्तै ४३ जना स्थायी कमिटीमा २५ जना एमालेको तर्फबाट रहने र १८ जना केन्द्रका तर्फबाट रहने सहमति दुई अध्यक्षबीच बनेको छ ।
 

प्रतिकृया दिनुहोस

नगरस्तरीय महिला सञ्जाल व्यवस्थापन तथा क्षमता अभिवृद्धि तालिम सम्पन्न

रामेछापको रामेछाप नगरपालिका वडा नं ५ मानेडाँडामा नगरस्तरीय महिला सञ्जाल गठन व्यवस्थापन तथा क्षमता अभिवृद्धि तालिम सम्पन्न भएको छ ।रामेछाप

रामेछाप लामागाँउमा नवनिर्मित निमा धावा गुम्बा उद्धघाटन ।।

रामेछाप नगरपालिका वडा नम्बर ८ लामा गाउँमा नवनिर्मित निमा धावा गुम्बाको आज उद्धाटन गरिएको छ । निमा धावा गुम्बाकी अध्यक्ष शर्मिला घिसिङको अध्यक्षता र

सिन्धुलीमा ’नाकाबन्दी’ रामेछाप सहित  ३ जिल्ला जाने मालबाहक गाडी रोकिंदा दैनिक उपभोग्य वस्तुको अभाव ।।

सरकारले बीपी राजमार्गमा १० टनभन्दा बढी क्षमताका सवारी साधन सञ्चालनमा रोक लगाएपछि रामेछाप सहित ४ जिल्लाको जनजीवन कष्टकर बन्दै गएको छ । सरकारी