header
ताजा खाबर :

१०० नम्बरमा २३ प्रतिशत ब्लफकल, प्रहरीलाई जिस्क्याउँदै महिलाले सोध्छन्– खाना खानुभयो

 
चितवन, साउन १५ । अत्यावश्यक कामका लागि या कुनै समस्या परेमा फोन गर्नुपर्ने जिल्ला प्रहरी कार्यालयको १०० नम्बरमा एक चौथाइ ब्लफकल आउने गरेको पाइएको छ ।प्रहरी उपरीक्षक दीपक थापाका अनुसार दैनिक करिब ५०० वटा फोन प्रहरीको १०० नम्बरमा आउँछ । विगत एक वर्षमा गरिएको अध्ययनमा आएको फोनमध्ये २३ प्रतिशत ब्लफकल हुने गरेको पाइएको हो । पाँच सेटमार्फत फोन उठाउने गरिएको प्रहरी नियन्त्रण कक्षमा रहेको उक्त हटलाइनमा अनावश्यक फोनले कहिलेकाहीँ प्रहरी हैरान हुने गरेका छन् ।उक्त फोनमा सामान्य सोधपुछका ३७ प्रतिशत र सवारी दुर्घटनासम्बन्धी १८ प्रतिशत फोन आएको पाइएको छ । एक वर्षमा गरिएको अनुगमनमा घरायसी झगडासम्बन्धी पाँच प्रतिशत, सामान छुटेकाबारे एक प्रतिशत, सामाजिक अशान्तिका १३ प्रतिशत र मानिस हराएका बारे तीन प्रतिशत फोन आएको पाइएको थापाले जानकारी दिए ।ब्लफ कलले हैरान बनाउने गरेको प्रहरी नियन्त्रण कक्षका एक जना प्रहरीले बताए । उनका अनुसार महिलाहरुले खाना खानुभयो, मलाई चिन्नु भएन जस्ता कुरा गर्ने, कहिलेकाहीँ किशोरकिशोरी र बच्चा जम्मा भएर हेल्लो प्रहरी कन्ट्रोल भनेर जिस्क्याउने, कुकुर भुकेको आवाज सुनाउने र रोएको आवाज सुनाइदिने गरेका छन् ।कतिपयलाई फोन गरेरै अभिभावकलाई सम्झाउने गरिएको उनको भनाइ छ ।चितवन प्रहरीले सामुदायिक सेवामार्फत नागरिक सहायता कक्षबाट गत एक वर्षमा २८ हजार ३९५ जनालाई सेवा पु¥याएको जिल्ला प्रहरी कार्यालयले जनाएको छ । ९रासस०

Archive

View All

विचार/अन्तरबार्ता

View All

जिल्ला स्वास्थ्य कार्यालय रामेछापको स्वास्थ्य सम्वन्धी शन्देसहरु

स्वास्थ्य सम्वन्धी शन्देसहरु १. राष्ट्रिय खोप तालिका खोप कहिले दिने ? खोपको नाम कुन रोगवाट बचाउन ? जन्मने ...

जाडोमा कसरी जोगिने ?

जाडो सुरु भइसकोको छ । केही वर्गलाई जाडोले खासै असर नगरे पनि धेरैका लागि यो अप्रिय हुन सक्छ । वरिपरिको चिसो ...